Die ekstase tot kriptiek
HJS
Dirk-der-Duisende maan
sy jong digters:
sintuie
is werktuie.
Op 'n gewone aand
in New Haven
op die verre spoor
van Wallace Stevens.
In hierdie tyd
reeds besinnend oor die
"boulevard of broken dreams"
snuiwend aan die Ooskus-see
se digters van rym
en wit vlokkies
vir spasies.
Dit was DJO wat WS
voorgeskryf het soos 'n dokter
medikasie vir 'n slaapwandelaar
wandelend op die pad
van "borrelende botteltjies",
kriptonomesia en digterlike
atopia. Inderdaad ontslaan
my rym ook 'n hele lewe.
Digterlike iteratief-duratief:
uit ekstase volg kriptiek.
