Cas van Rensburg. Jou
drome. Die onbewuste het ál die antwoorde. J.L. van Schaik, 2000. ISBN 0 624 03874 2.
Resensent: Joan
Hambidge
Dit is nie die gewone populêre droomboek wat alles
simplisties verklaar nie. Droom jy van 'n leeu dan gaan jou baas jou afdank
nie. Dit is 'n studie geskryf in eenvoudige en toeganklike taal wat veral
Jungiaanse beginsels rondom drome behandel.
Van Rensburg gaan terug in die geskiedenis van
psigoanalise en onder meer ook op die verskille tussen Freud en Jung. Die nut
van hierdie boek is dat dit ons terugneem na ons self. Alle waarhede lê in die
self opgesluit en elke mens het 'n unieke storie om te vertel. Die boek help 'n mens om die geheime van die
onbewuste te ontsluit en jou volle potensiaal te ontwikkel.
Jou drome vertel jou presies wie jy is en welke
lewensroete jy moet volg. Bekende Jungiaanse begrippe soos persona,
animus/anima word ook behandel. En argetipes is die bloudruk van ons menslike
lot.
[Hierdie resensie word met vriendelike vergunning van Fine Music Radio geplaas.]
