Pous Franciskus loof Diego Maradona
as grootse digter van die sokkerveld.
Triolet, distigon of villanelle?, sou u vra.
Van flenterlappie-bal tot oor die wye veld.
'n Weerlose, brose man, glo verslaaf
aan dwelms en applous, as ek sou raai..
In watter vorm giet ons vir hom 'n lykdig?
'n Reëlbreker selde tog gesalfde of heilige.
A nee a. Die pous se woord is altyd wet.
Chiasmus, apostroof of prolepsis vir fyn-fyn let.
© Joan Hambidge
