Jerry Lewis kry ’n soen van Criss Angel © Ethan Miller/Getty Images
Rol-oog Jerome Levitch
oftewel, Joseph Levitch
of dan eerder, Jerry Lewis,
bekend dat hy 'n paar sokkies
net één keer dra,
maar altyd gemombakkies.
Bekkig, dog kleinsielig
vir kritiek.
Vereer met die Légion d'Honneur,
hierdie Nutty Professor,
kenner van slapstick
waaroor die Franse roekoek-roekoek.
Dean Martin en Jerry Lewis,
baljaar saam,
ego en id,
lig en skadu.
Verslaaf aan Percodan
betree hy donker tye,
stry met Dean Martin,
sy pendant. Breek
kensketsend weg.
In solo-optredes
pendel
hy
gevaarlik
na
aan
self-
parodie,
wyl
die
applous
van sy vader
en dogter haweloos
uitbly.
Humor, 'n pleganker,
verlaat
die Koning van Komedie
amper nes 'n film maudit.
© Joan Hambidge