stroom huldeblyke in
oor die enorme verlies en bydrae
van óns stilgemaakte digterlike stem
Wanneer ‘n digter sterf
staan die literêre lykbesorgers gereed
met oordrewe takserings
oor die kwadratuur van sy sirkel
Wanneer ‘n digter sterf
is daar onbetaamlike vrae
oor die lewenstyl en selde
of hy ‘n rondeel of distigon kon skryf
Wanneer ‘n digter sterf
word hy stellig, indien onderteken
aangekoop en gou vergeet
tot ‘n ander digter kort hierna vertrek
Wanneer ‘n digter sterf
mag sy gedigte tog ‘n ewige leser beërf
(Uit: Lot se vrou, Human en Rousseau: 2012)
© Joan Hambidge