Groter-as-lewensgroot
oftewel, Boterismo,
staan die vettes op ‘n ry
langs Park Avenue,
op die Champs-Élysées,
in Sante Fé de Bogotá
as politieke kommentaar
grotesk en oorvloedig geëtaleer.
Barokke oordaad, meen kenners
van die verre Colombië tot NY.
Eating
one’s heart out,
nes morsdood van die honger,
'n kenteken van dié Botterbul.
Skigtig, dié was onse Fernando
nooit met ontheiligings nie;
nee, hy wys vinger én boud
vir al die beserkte bombaste
en skenders in Abu Ghraib.
'n Selfportret wys hom op
as misprysend oor dié vergrype
in 'n kunstige metempsigose.
in 'n kunstige metempsigose.
© Joan Hambidge