Isabel Allende. Daughter of fortune. Flamingo, 2000. ISBN 0
00 655231 5.
Resensent: Joan
Hambidge
(Exclusive Boeke
Prys 2001)
Allende (uitgespreek Ajende) is 'n Chileense skrywer wat
onder meer die magies realisme bedryf soos Marquez. Haar verhale is besondere
vertellings en haar vorige roman Paula is die reaksie op haar dogter se koma.
Daughter of fortune is bekende Allende-dramatiek. Dit
vertel die verhaal van Eliza wat voor 'n deur van die Britse Invoer en
uitvoermaatskappy in 1830's in Chile gevind word. Rose Sommers neem haar aan en
teen haar aangenome moeder se pogings om van haar 'n dame te maak, raak sy op
sestienjarige ouderdom verlief op 'n rewolusionêr, Joaqúin Andieta. Sy vertrek
saam met hom op die sogenaamde 'gold rush' en die verhaal van die vondeling en
troebadoer word vanuit 'n vroulike perspektief aangebied.
[Hierdie resensie word met vriendelike vergunning van Beeld geplaas.]