Rhonda Byrne. The
secret. Simon & Shuster, 2007. ISBN 13 978 1 8 473 7029 7.
Resensent: Joan
Hambidge
Ons is nie
alleen van vlees en bloed nie. En dit wat dit bevraagteken, skep dikwels ‘n
nuwe Evangelie. In ‘n lang rits boeke oor die Onsienbare verskyn The Secret van
Rhonda Byrne.
Plato,
Shakespeare, Newton, Hugo, Beethoven, Lincoln, Emerson, Edison, Einstein het
glo in die “geheim” geglo.
Dan begin ‘n
mens die boek te lees wat in ‘n soort outydse aanslag gepubliseer word, maar
terselfdertyd word hierdie gevoel ondermyn omdat die boek op glanspapier gedruk
is.
Ons verneem
onder andere dat ons gedagtes ‘n energie skep.
“You are the
most powerful transmission tower in the Universe. Your transmission creates
your life and it creates the world. The frequency you transmit reaches beyond
cities, beyond countries, beyond the world. It reverberates throughout the
entire Universe. And you are transmitting that frequency with your thoughts!” (p. 11
Dus as jy jou
gedagtes verander, kan jy die jou lewe verander. Ensovoort.
Natuurlik is dit
so dat ‘n mens se uitkyk op die lewe dinge draaglik(er) kan maak; dit kan
helaas nie die onverwagse binnetrede of fata afweer nie.
Die daaglikse
praktyk van dankbaarheid waarborg geluk. En ons lees ook – tussen die lyne –
hoe sukses = geld jou lewe kan verander.
As jy positief
dink oor geld, kom dit maklik (aldus Loral Langemeier).
Daar word
dikwels mense buite konteks aangehaal. ‘n Figuur soos Ralph Waldo Emerson gooi
ook hier ‘n draai (“Success comes from within, not from without”, p. 107).
‘n Kollega in
die Korporatiewe Wêreld weet te vertel dat hierdie boek in die
besigheidskringloop opslae maak en dat almal van hierdie boek praat. Dis nie
die soort boek wat George Claassen, wetenskapkenner, sal waardeer nie.
Daar is eweneens
‘n film.
Fokus op dit wat
die belangrikste is in jou en die wet van aantrekkingskrag sal nog meer goeie
dinge na jou toe bring.
So besluit: gaan
hierdie resensie snippermandjie toe of glo u die resensent?
The Money or the
Box?
[Hierdie
resensie word met vriendelike vergunning van Die Volksblad geplaas.]